UAE:
Wizara ya Mambo ya Nje Yalaani Milipuko ya Kabul
Kwa Wahariri: Taarifa ifuatayo imetolewa na Shirika la Habari la Falme za Kiarabu (WAM)
ABU DHABI, Aprili 18 (WAM) - Muungano wa Jumuiya ya Kiarabu (UAE) ulilaani kwa nguvu zake zote mfululizo wa milipuko ya mabomu ya kigaidi ambayo yalilipuka katika eneo kuu la kidiplomasia mjini Kabul na miji mingine mitatu ya Afghanistan na kuua watu 47 na kujeruhi watu wengine kadhaa.
"UAE inaelezea mshikamano wake na Jamhuri ya Kiislam ya Afghanistan dhidi ya msimamo mkali, ghasia na ugaidi na kutoa wito wa haja ya kulinda usalama wa kikanda na utulivu," Katibu Mkuu Msaidizi wa Wizara ya Mambo ya Nje Jum'a Mubarak Junaibi alisema.
"UAE kwa nguvu zake zote inakemea vitendo hivi vya kihalifu ambavyo vililenga bunge la Afghanistan na maeneo ya kidiplomasia na majirani na mikoa mingine ya Afghanistan," alisema afisa mwandamizi, akiongeza kuwa "milipuko hii inataka kupanda mbegu za mgawanyiko na kashfa miongoni mwa watu wa Afghanistan na kuharibu utulivu na usalama wa Afghanistan."
Alitoa salaam zake za rambirambi za dhati kwa wanafamilia wa waathirika wa uhalifu huo na kuwatakia waliojeruhiwa kupona haraka. (WAM)
(END/2012)
|
|
|
